Comisiones Obreras de Asturias

Comisiones Obreras de Asturias
CCOO de Asturies

sábado 6 de abril de 2019

Miles de persones reclamen en Xixón la oficialidá

  • José Manuel Zapico encabezó la delegación del sindicatu que participó na manifestación entamada pola Xunta pola Defensa de la Llingua
  • El secrerariu xeneral de CCOO d'Asturies pide reformar l'Estatutu ya incluir la oficialidá en cuanto fórmese'l nuevu Gobiernu asturianu

CCOO sumose a esta movilización, como yá fizo otres veces, aprovechando la ocasión pa renovar el so compromisu cola recuperación y la normalización del asturianu y el gallegoasturianu. El manifiestu leído al final de la protesta sorraya que "l'asturianu ye un derechu irrenunciable".

En Xixón pola oficialidá

En Xixón pola oficialidá

Informes emitíos pola UNESCO y los estudios sociollingüísticos presentaos alvierten de que"l marcu llegal vixente (la Llei d’usu y protección del asturianu) nun ye a garantizar la sobrevivencia de la llingua, que corre’l riesgu de perdese.
 
Pela so parte, el PP ta llevando a cabu una ofensiva pa convencer a la ciudadanía de que la oficialidá nun ye buena p’Asturies, esperando sacar d’ello un beneficiu políticu. Estos ataques al asturianu nun son casuales: la llingua asturiana ye la llingua del pueblu, la llingua de la clase trabayadora, a la qu’ellos nunca representaron. 
 
CCOO d’Asturies yá manifestó la so adhesión al Proyectu 2018 pola oficialidá del asturianu de la que lu presentó en Xixón la Xunta pola Defensa de la Llingua.
 
La llingua asturiana ye’l patrimoniu cultural más valiosu que tenemos n’Asturies, amás de ser l’únicu dafechamente popular.
 
 
 

Miles de persones reclamen en Xixón la oficialidá

sábado 6 de abril de 2019

Áreas temáticas relacionadas

Áreas - IGUALDAD Juventud, Mujer, Política Social e Internacional - Mujer
Áreas - AREA EXTERNA Organización, Comunicación, Elecciones Sindicales y Afiliación