Comisiones Obreras de Asturias

Comisiones Obreras de Asturias
CCOO de Asturias

viernes 4 de mayo de 2018

Nel Día de les Lletres

  • El sindicatu sumose a la manifestación n'Uviéu convocada pola Xunta pola Defensa de la Llingua Asturiana
  • Zapico: "Ye tiempu de glayar asturianu, llingua oficial, porque ye un derechu que caún fale la llingua que-y paeza más gayaspera"
  • Pa CCOO la llingua asturiana ye'l patrimoniu cultural más valiosu que tenemos n'Asturies, amás de ser l'únicu dafechamente popular

El sindicatu tien un compromisu cola llingua. Participa davezu nos actos reivindicativos pola oficialidá (manifestaciones, xornaes como'l Día de les Lletres Asturianes…) y a traviés del so Sindicatu d'Enseñanza apuesta pol so usu nes aules, pola especialidá pa l'asignatura de Llingua y Lliteratura Asturiana y pola devolución de les cuatro hores llectives a la selmana en Bachilleratu.

D’esta miente, d’acordies colos documentos aprobaos nel XII Congresu rexonal, CCOO comprométese a “promover  l’usu de la llingua asturiana, reivindicando la so oficialidá y normalización”. Arriendes d’esto, tien d’ameyorase la so enseñanza, “aumentando la ufierta como optativa na etapa educativa d’Educación Infantil”. Tamién, dende’l sindicatu “hemos defender los  derechos civiles pa que la ciudadanía pueda emplegar l’asturianu pa dirixise a l’Alministración”.

Nel debate que ta habiendo sobre la normalización, CCOO d’Asturies tien clara la so postura: la oficialidá. D’esti mou, el secretariu xeneral diz que “el parllamentu asturianu tien una gran oportunidá pa saldar la so delda histórica cola llingua”.  Asina, “si queremos qu’un patrimoniu cultural nuestru sobreviva, hemos cuidalo y facelo oficial”, recalca José Manuel Zapico. “Ye hora que la izquierda política se ponga d’alcuerdu. Diba ser una pena que la FSA, por llíos partidistes, retrase la so postura”.
 
 

Nel Día de les Lletres

viernes 4 de mayo de 2018

Áreas temáticas relacionadas

Áreas - AREA EXTERNA Organización, Comunicación, Elecciones Sindicales y Afiliación