Secretaría de la Muyer
| |
Nel añu 78 tien llugar el congresu de fundación de les Comisiones Obreres, tres munchos años de llucha clandestina. Aprovechando'l momentu, numeroses compañeres planteguen la necesidá d'incentivar la participación de les muyeres nel sindicatu, asina como d’incorporar la cuestión de xéneru al trabayu sindical. Pa concretar estes reivindicaciones y dar una base dende la que facelo, créyense les Secretaríes de la Muyer.
Comisiones Obreres d’Asturies, amás de sindicatu de clase, reivindicativu, sociopolíticu, xunitariu, democráticu, independiente, participativu y de mases, internacionalista, pluriétnicu y multicultural y asturianu, definese como SINDICATU D’HOMES Y DE MUYERES, teniendo ente los sos oxetivos:
- Dar puxu y desendolcar la igualdá d’oportunidaes, y lluchar contra la discriminación que se dea pola mor del sexu.
- Desendolcar acciones positives nes rellaciones llaborales y nes condiciones de trabayu.
- Inxerir lo específico en tolos ámbitos de la política sindical (tresversalidá), con estratexes tendentes a reivindicar el papel de la muyer nel trabayu y la sociedá.
- Adoptar les midíes necesaries pa favorecer la participación de les muyeres nel sindicatu y algamar un representación equlibrada d’homes y muyeres en tolos niveles, asumiendo Comisiones Obreres d’Asturies un compromisu firme col desarrollu y la espansión de les Secretaríes de la Muyer.
